sangam

kaliyoñ kā armān haiñ ham sab

ġhunchoñ kī muskān haiñ ham sab

ham ne guloñ ko ḳhushbū dī hai

gulzāroñ kī jaan haiñ ham sab

chāñd kī duniyā se bhī aage

ik din uḌ kar ham jā.eñge

siine par ab nīl-gagan ke

parcham apnā lahrā.eñge

masjid mandir girjā vaale

dharm kī devī ke rakhvāle

nafrat apnī had tak rakkheñ

ham haiñ ulfat ke matvāle

dhartī ke ham chāñd sitāre

kundan aur pukhrāj ke TukḌe

sūraj banñe vaale zarre

duniyā bhar ke saare bachche

sangam gañgā jamunā kā haiñ

raam mohammad D’souza haiñ

kaliyon ka arman hain hum sab

ghunchon ki muskan hain hum sab

hum ne gulon ko KHushbu di hai

gulzaron ki jaan hain hum sab

chand ki duniya se bhi aage

ek din uD kar hum jaenge

sine par ab nil-gagan ke

parcham apna lahraenge

masjid mandir girja wale

dharm ki dewi ke rakhwale

nafrat apni had tak rakkhen

hum hain ulfat ke matwale

dharti ke hum chand sitare

kundan aur pukhraj ke TukDe

suraj banne wale zarre

duniya bhar ke sare bachche

sangam ganga jamuna ka hain

ram mohammad D’souza hain