jab topen garajti hain

jab topeñ garajtī haiñ

to sirf sipāhī nahīñ marte

gharoñ kī chhateñ bhī TūTtī haiñ

kitāboñ ke varaq jalte haiñ

aur ḳhvāb vo to raakh ho jaate haiñ

ham jo sarhad ke idhar rahte haiñ

yā udhar

hamārā ḳhuun ek sā bahtā hai

zabāneñ chāhe alag hoñ

dard kā tarjuma nahīñ karnā paḌtā

maañ kā beTā

jab jang meñ jaatā hai

to maz.hab qaum parcham se pahle

ek insān hotā hai

lekin faisle

vo mezoñ par hote haiñ

jahāñ ḳhuun kī qīmat

siyāsat ke vazn se naapī jaatī hai

bachchoñ ke khilaune

bandūqoñ kī āvāz meñ Duub jaate haiñ

aur sulh

bas ek ḳhvāb ban kar rah jaatī hai

ham ne dekhā hai

amn kī har koshish

bārūd kī ek chingārī se jaltī hai

aur jalte haiñ

ham log biich meñ ham log

jab topen garajti hain

to sirf sipahi nahin marte

gharon ki chhaten bhi TuTti hain

kitabon ke waraq jalte hain

aur KHwab wo to rakh ho jate hain

hum jo sarhad ke idhar rahte hain

ya udhar

hamara KHun ek sa bahta hai

zabanen chahe alag hon

dard ka tarjuma nahin karna paDta

man ka beTa

jab jang mein jata hai

to mazhab qaum parcham se pahle

ek insan hota hai

lekin faisle

wo mezon par hote hain

jahan KHun ki qimat

siyasat ke wazn se napi jati hai

bachchon ke khilaune

banduqon ki aawaz mein Dub jate hain

aur sulh

bas ek KHwab ban kar rah jati hai

hum ne dekha hai

amn ki har koshish

barud ki ek chingari se jalti hai

aur jalte hain

hum log bich mein hum log