mozaik

ek TukḌā

ham tum donoñ

ik duuje se pyaar kiye bin rah na sakeñge

sundarī ham tum sachche haiñ

aur chāhat is khoT bharī duniyā meñ

pahlā aur akelā sach hai

dūsrā TukḌā

jāntā huuñ ki ham tum bichhaḌ jā.eñge

jāntā huuñ ki donoñ mile bhī kahāñ

raat lekin

mire āsmāñ

maiñ ne dekhā

mirī aarzū kā samundar tujhe chhū rahā thā

ek aur TukḌā

raat kitnī hī āñkheñ tarastī rahīñ

chāñd bastī meñ aayā magar der se

der tak phir sitāroñ kī mahfil sajī

tum kahāñ the kahāñ ho

ki parchhā.iyāñ

sub.h tak un charāġhoñ pe hañstī rahīñ

raat kitnī hī āñkheñ tarastī rahīñ

āḳhirī TukḌā

patthar kī chhāyā meñ baiThe kab se rasta takte the

mom samān pighalte jaao

sūraj sāmne aayā hai

ek TukDa

hum tum donon

ek duje se pyar kiye bin rah na sakenge

sundari hum tum sachche hain

aur chahat is khoT bhari duniya mein

pahla aur akela sach hai

dusra TukDa

jaanta hun ki hum tum bichhaD jaenge

jaanta hun ki donon mile bhi kahan

raat lekin

mere aasman

main ne dekha

meri aarzu ka samundar tujhe chhu raha tha

ek aur TukDa

raat kitni hi aankhen tarasti rahin

chand basti mein aaya magar der se

der tak phir sitaron ki mahfil saji

tum kahan the kahan ho

ki parchhaiyan

subh tak un charaghon pe hansti rahin

raat kitni hi aankhen tarasti rahin

aaKHiri TukDa

patthar ki chhaya mein baiThe kab se rasta takte the

mom saman pighalte jao

suraj samne aaya hai