kash

kaash

ye lafz kitnā chhoTā hai

magar is ke andar

kitnī lambī 'umreñ soī hotī haiñ

kaash aisā hotā to kiyā hotā

kaash vaqt kī raftār

zarā sī ruk jaatī

kaash taqdīr kī peshānī se

kuchh satreñ miTā.ī jā saktīñ

kaash zindagī ke kāġhaz par

nayā jumla likhne kī ijāzat hotī

kaash tum milte

to ye rāste itne sunsān na hote

kaash tum Thaharte

to ye lamhe utne be-mā'nī na hote

kaash tum samajhte

to ye dil itnā vīrān na hotā

kaash

ye lafz aksar

raat kī ḳhāmoshī meñ aatā hai

aur mere dil ke darvāze par

āhista āhista dastak detā hai

kaash ke saa.e tale

zindagī kaTī hai

kaash ke saa.e meñ

ḳhvāb bhī palte haiñ

aur hasrateñ bhī

kaash ke saa.e meñ

insān jiitā bhī hai

aur TūTtā bhī

kaash sub.heñ badal jātīñ

kaash shāmeñ meherbān hotīñ

kaash vaqt ko

insān ke dukh kā ehsās hotā

kaash tum

merī zindagī kā kaash hote

phir har kaash

ek haqīqat ban jaatā

phir har kaash

ek du'ā ban jaatā

phir har kaash

dil ke andar jaltī huī

hasrat kā charāġh na hotā

kaash tum hote

to ye raat itnī lambī na hotī

kaash tum hote

to ye tanhā.ī itnī gahrī na hotī

kaash tum hote

to 'merī āñkhoñ meñ

itne udaas mausam na utarte

kaash

ye lafz shāyad

un logoñ kī ījād hai

jin ke paas

mohabbat to thī

magar qismat nahīñ thī

kaash

ye lafz shāyad

un diloñ kī sadā hai

jo kisī ko chāhte the

magar pā na sake

aur ab

merī puurī zindagī

ek lambī saañs kī tarah hai

jis ke shurū' meñ bhī

aur āḳhir meñ bhī

sirf ek hī lafz rah gayā hai

kaash

kaash

kash

ye lafz kitna chhoTa hai

magar is ke andar

kitni lambi 'umren soi hoti hain

kash aisa hota to kiya hota

kash waqt ki raftar

zara si ruk jati

kash taqdir ki peshani se

kuchh satren miTai ja saktin

kash zindagi ke kaghaz par

naya jumla likhne ki ijazat hoti

kash tum milte

to ye raste itne sunsan na hote

kash tum Thaharte

to ye lamhe utne be-ma'ni na hote

kash tum samajhte

to ye dil itna viran na hota

kash

ye lafz aksar

raat ki KHamoshi mein aata hai

aur mere dil ke darwaze par

aahista aahista dastak deta hai

kash ke sae tale

zindagi kaTi hai

kash ke sae mein

KHwab bhi palte hain

aur hasraten bhi

kash ke sae mein

insan jita bhi hai

aur TuTta bhi

kash subhen badal jatin

kash shamen meherban hotin

kash waqt ko

insan ke dukh ka ehsas hota

kash tum

meri zindagi ka kash hote

phir har kash

ek haqiqat ban jata

phir har kash

ek du'a ban jata

phir har kash

dil ke andar jalti hui

hasrat ka charagh na hota

kash tum hote

to ye raat itni lambi na hoti

kash tum hote

to ye tanhai itni gahri na hoti

kash tum hote

to 'meri aankhon mein

itne udas mausam na utarte

kash

ye lafz shayad

un logon ki ijad hai

jin ke pas

mohabbat to thi

magar qismat nahin thi

kash

ye lafz shayad

un dilon ki sada hai

jo kisi ko chahte the

magar pa na sake

aur ab

meri puri zindagi

ek lambi sans ki tarah hai

jis ke shuru' mein bhi

aur aaKHir mein bhi

sirf ek hi lafz rah gaya hai

kash

kash