kya zarurat hamein jahan bhar ki
kyā zarūrat hameñ jahāñ bhar kī
jab gadā.ī milī tire dar kī
aap par jab durūd bhejā hai
phir hifāzat huī mire ghar kī
sabz gumbad ho sāmne mere
muntazir aañkh aise manzar kī
aap ke naqsh-e-pā pe chal nikle
zindagī aise ham ne behtar kī
apne dar par kabhī to lagvā.eñ
hāzirī bhārtī suḳhanvar kī
har havāla yahāñ pe radd 'ātif'
baat bas āḳhrī payambar kī
kya zarurat hamein jahan bhar ki
jab gadai mili tere dar ki
aap par jab durud bheja hai
phir hifazat hui mere ghar ki
sabz gumbad ho samne mere
muntazir aankh aise manzar ki
aap ke naqsh-e-pa pe chal nikle
zindagi aise hum ne behtar ki
apne dar par kabhi to lagwaen
haziri bhaarti suKHanwar ki
har hawala yahan pe radd 'atif'
baat bas aaKHri payambar ki
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
