apne qalam se pahle main hamd-e-KHuda likhun

apne qalam se pahle maiñ hamd-e-ḳhudā likhūñ

phir us ke baa'd mid.hat-e-ḳhair-ul-varā likhūñ

yāsīñ likhūñ muzammil-o-shamsuzzuhā likhūñ

zāt-e-ḳhudā kā tum ko phir ik aa.ina likhūñ

mā'mūr- kā.ināt hai husn-o-jamāl se

hairān huuñ maiñ shāh-e-madīna ko kyā likhūñ

koī fazīlatoñ meñ nahīñ misl aap ke

phir kyuuñ na aap ko maiñ shah-e-ambiyā likhūñ

allāh jis ko ḳhud paḌhe aur ham ko hukm de

maiñ us darūd-e-pāk kā kyā martaba likhūñ

val-lail jis kī zulf hai vashshams jis kā ruḳh

us paikar-e-jamāl kā kyā tazkira likhūñ

ye had bhī lāzmī hai tirī mad.h ke liye

tujh ko 'azīm likkhūñ to bā'd-e-ḳhudā likhūñ

likhne kā haq adā to tabhī hogā ai 'jamīl'

paḌh kar durūd nā't-e-shah-e-mustafā likhūñ

apne qalam se pahle main hamd-e-KHuda likhun

phir us ke ba'd midhat-e-KHair-ul-wara likhun

yasin likhun muzammil-o-shamsuzzuha likhun

zat-e-KHuda ka tum ko phir ek aaina likhun

ma'mur- kainat hai husn-o-jamal se

hairan hun main shah-e-madina ko kya likhun

koi fazilaton mein nahin misl aap ke

phir kyun na aap ko main shah-e-ambiya likhun

allah jis ko KHud paDhe aur hum ko hukm de

main us darud-e-pak ka kya martaba likhun

wal-lail jis ki zulf hai washshams jis ka ruKH

us paikar-e-jamal ka kya tazkira likhun

ye had bhi lazmi hai teri madh ke liye

tujh ko 'azim likkhun to ba'd-e-KHuda likhun

likhne ka haq ada to tabhi hoga ai 'jamil'

paDh kar durud na't-e-shah-e-mustafa likhun