mere nabi ka agar dil mein nam KHushbu de
mere nabi ka agar dil mein nam KHushbu de
Jameel Ahmad Qadri Salimi Gunnauri
MORE BYJameel Ahmad Qadri Salimi Gunnauri
mire nabī kā agar dil meñ naam ḳhushbū de
har ek sajda mirā har qayām ḳhushbū de
diloñ ko aisī karāmat se bhar de ai maulā
nabī kī bazm kā har ik ġhulām ḳhushbū de
mire ḳhudā kabhī taiba kare mo'attar dil
kabhī tasavvur-e-bait-ul-harām ḳhushbū de
sū-e-madīna chalā aa rahā huuñ sar ke bal
to kis liye na mirā ehtirām ḳhushbū de
adā.egī meñ ho shāmil agar ḳhulūs 'jamīl'
laboñ pe nā't-e-rasūl-e-anām ḳhushbū de
mere nabi ka agar dil mein nam KHushbu de
har ek sajda mera har qayam KHushbu de
dilon ko aisi karamat se bhar de ai maula
nabi ki bazm ka har ek ghulam KHushbu de
mere KHuda kabhi taiba kare mo'attar dil
kabhi tasawwur-e-bait-ul-haram KHushbu de
su-e-madina chala aa raha hun sar ke bal
to kis liye na mera ehtiram KHushbu de
adaegi mein ho shamil agar KHulus 'jamil'
labon pe na't-e-rasul-e-anam KHushbu de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
