mera har sher hai mashhur misalon ki tarah

merā har she'r hai mash.hūr misāloñ kī tarah

maiñ to har shahr meñ phailā huuñ ujāloñ kī tarah

jūtiyāñ khā ke bhī har naaz uThāyā maiñ ne

maiñ ne chāhā hai unheñ chāhne vāloñ kī tarah

kyā kahūñ chaltī hai kaise mirī biivī kī zabāñ

din meñ qaiñchī kī tarah raat meñ bhāloñ kī tarah

apnā ghar likh jo diyā shaiḳh ne do beToñ ko

ik chanā baT gayā do hissoñ meñ dāloñ kī tarah

log is daur kī ġhazloñ ko bhalā kyā samjheñ

har ġhazal uljhī hai uljhe hue bāloñ kī tarah

tez chalne se lachak jā.egī kah do yaaro

un kī nāzuk hai kamar phuul kī Dāloñ kī tarah

kabhī līmūñ kī tarah tursh adā.eñ un kī

chaTpaTī tez kabhī garm-masāloñ kī tarah

gāliyāñ jitnī bhī ījād huī haiñ ab tak

un ko azbar haiñ muhaqqiq ke havāloñ kī tarah

boot aur suit sar-e-bazm lañgoTī ghar meñ

kabhī goroñ kī tarah haiñ kabhī kāloñ kī tarah

qaid meñ Daal diyā us ko emergency ne

pahle bad-amnī thī shahroñ meñ chhināloñ kī tarah

muñh pe kālak kā hai ġhāza to gadhe par haiñ savār

haajī mastān chale jail jiyāloñ kī tarah

mera har she'r hai mashhur misalon ki tarah

main to har shahr mein phaila hun ujalon ki tarah

jutiyan kha ke bhi har naz uThaya main ne

main ne chaha hai unhen chahne walon ki tarah

kya kahun chalti hai kaise meri biwi ki zaban

din mein qainchi ki tarah raat mein bhaalon ki tarah

apna ghar likh jo diya shaiKH ne do beTon ko

ek chana baT gaya do hisson mein dalon ki tarah

log is daur ki ghazlon ko bhala kya samjhen

har ghazal uljhi hai uljhe hue baalon ki tarah

tez chalne se lachak jaegi kah do yaro

un ki nazuk hai kamar phul ki Dalon ki tarah

kabhi limun ki tarah tursh adaen un ki

chaTpaTi tez kabhi garm-masalon ki tarah

galiyan jitni bhi ijad hui hain ab tak

un ko azbar hain muhaqqiq ke hawalon ki tarah

boot aur suit sar-e-bazm langoTi ghar mein

kabhi goron ki tarah hain kabhi kalon ki tarah

qaid mein Dal diya us ko emergency ne

pahle bad-amni thi shahron mein chhinalon ki tarah

munh pe kalak ka hai ghaza to gadhe par hain sawar

haji mastan chale jail jiyalon ki tarah