samosa

chorī-chhupe khāte haiñ kuchh insān samosa

haiñ vo bhī jo khā.eñ alal-ailān samosa

ho nāshte meñ lunch meñ phir ho ye dinner meñ

bas un kā chale to mile har aan samosa

panvāḌī ne kaaTā jo musallas kī tarah paan

bole ki ye lagtā hai mujhe paan samosa

malhār vo gaa.eñ yā koī rāgnī chheḌeñ

har baar lagāte haiñ vahī taan samosa

yuuñ to vo saḳhī dil ke haiñ lekin jo ho mumkin

har ek gadāgar ko kareñ daan samosa

daftar meñ jo zohrāna diyā jaatā hai sab ko

vo chāhte haiñ roz mile naan samosa

ġham kā koī maarā go ho kitnā hī fasurda

laatā hai laboñ par na.ī muskān samosa

khā.eñ jo samosa to hai lāzim raheñ mohtāt

ye ho na shikam meñ lage paikān samosa

nāqis kisī bhī shai se banā khā.eñ na varna

kar degā zarūr aap ko halkān samosa

yuuñ to hai ye kam-qīmat-o-ḳhush-zā.iqa ḳhūrāk

is ne mujhe dilvāyā hai dīvān samosa

ash.ār ḳhudā-dād haiñ ye shukr hai rab kā

yakjā hue haiñ sab ye ba-unvān-e-samosa

chori-chhupe khate hain kuchh insan samosa

hain wo bhi jo khaen alal-ailan samosa

ho nashte mein lunch mein phir ho ye dinner mein

bas un ka chale to mile har aan samosa

panwaDi ne kaTa jo musallas ki tarah pan

bole ki ye lagta hai mujhe pan samosa

malhaar wo gaen ya koi ragni chheDen

har bar lagate hain wahi tan samosa

yun to wo saKHi dil ke hain lekin jo ho mumkin

har ek gadagar ko karen dan samosa

daftar mein jo zohrana diya jata hai sab ko

wo chahte hain roz mile nan samosa

gham ka koi mara go ho kitna hi fasurda

lata hai labon par nai muskan samosa

khaen jo samosa to hai lazim rahen mohtat

ye ho na shikam mein lage paikan samosa

naqis kisi bhi shai se bana khaen na warna

kar dega zarur aap ko halkan samosa

yun to hai ye kam-qimat-o-KHush-zaiqa KHurak

is ne mujhe dilwaya hai diwan samosa

ashaar KHuda-dad hain ye shukr hai rab ka

yakja hue hain sab ye ba-unwan-e-samosa