cycle

ik roz jā rahe the kahīñ cycle se ham

pahuñche jo ek moḌ pe nāzil huā sitam

pedal se cycle ke jo paaoñ ukhaḌ ga.e

ham jā ke ek shoḳh hasīna se laḌ ga.e

sambhlī jo vo to hatthe se fauran ukhaḌ ga.ī

goyā huī to jaise havāoñ se laḌ ga.ī

kahne lagī ki andhe haiñ aatā nahīñ nazar

ye harkateñ janāb kī ye rīsh-e-mo'atabar

phirte haiñ kyā sharīfoñ kī sūrat banā ke aap

yuuñ auratoñ pe girte haiñ dāḌhī rakhā ke aap

ham ne kahā ki thuuk do ġhusse ko nāznīñ

cycle laḌī hai tum se ye dāḌhī laḌī nahīñ

dāḌhī kā naam le ke hameñ kyoñ ho Toktī

dāḌhī koī break hai jo cycle ko roktī

ek roz ja rahe the kahin cycle se hum

pahunche jo ek moD pe nazil hua sitam

pedal se cycle ke jo paon ukhaD gae

hum ja ke ek shoKH hasina se laD gae

sambhli jo wo to hatthe se fauran ukhaD gai

goya hui to jaise hawaon se laD gai

kahne lagi ki andhe hain aata nahin nazar

ye harkaten janab ki ye rish-e-mo'atabar

phirte hain kya sharifon ki surat bana ke aap

yun auraton pe girte hain daDhi rakha ke aap

hum ne kaha ki thuk do ghusse ko naznin

cycle laDi hai tum se ye daDhi laDi nahin

daDhi ka nam le ke hamein kyon ho Tokti

daDhi koi break hai jo cycle ko rokti