biwi ki amman

tirī maañ agar na hotī to mujhe qarār hotā

na vo aatī mere ghar meñ na maiñ zer-e-bār hotā

zarā dekh us ke naḳhre nahīñ khātī daal roTī

maiñ khilātā us ko sadqa jo yahāñ mazār hotā

tū use khilā.e murġhī aur khilā.e roast machhlī

maiñ use zahr khilātā agar iḳhtiyār hotā

mire ghar meñ aa ke rahne kī sazā maiñ us ko detā

kabhī doctor na laatā jo use buḳhār hotā

tirī maañ ne mujh ko kosā tire baap ne bhī DāñTā

na maiñ tere ghar meñ aatā na zalīl-o-ḳhvār hotā

mujhe sirf daal de dī jo baghārī bhī nahīñ thī

maiñ to vo bhī khā hī letā jo vahāñ achār hotā

bane ham jo tere dūlhā paḌā jhoñknā ye chūlhā

na nikāh tujh se karte na ye hāl-e-zār hotā

teri man agar na hoti to mujhe qarar hota

na wo aati mere ghar mein na main zer-e-bar hota

zara dekh us ke naKHre nahin khati dal roTi

main khilata us ko sadqa jo yahan mazar hota

tu use khilae murghi aur khilae roast machhli

main use zahr khilata agar iKHtiyar hota

mere ghar mein aa ke rahne ki saza main us ko deta

kabhi doctor na lata jo use buKHar hota

teri man ne mujh ko kosa tere bap ne bhi DanTa

na main tere ghar mein aata na zalil-o-KHwar hota

mujhe sirf dal de di jo baghaari bhi nahin thi

main to wo bhi kha hi leta jo wahan achaar hota

bane hum jo tere dulha paDa jhonkna ye chulha

na nikah tujh se karte na ye haal-e-zar hota