aankhen nikal aai hain meri sans ruki hai

āñkheñ nikal aa.ī haiñ mirī saañs rukī hai

jald aa ki tirī yaad galā ghūñT rahī hai

dāvat kī tirī bazm meñ kyuuñ dhuum machī hai

kyā baat hai kyā koī na.ī jeb kaTī hai

vaa.iz ko jo dekho to ghaTā-Top añdherā

saaqī ko jo dekho to kiran phuuT rahī hai

kyā hai jo nahīñ ye asar-e-rabt-e-mohabbat

ro.e to haiñ vo aur mirī āvāz paḌī hai

saa.e kī tamannā meñ jahāñ baiTh gayā huuñ

chañdiyā pe vahīñ taak ke dīvār girī hai

chhūTe nahīñ chhuTtī hai tire vasl kī hasrat

ye joñk mire dil kā lahū chuus rahī hai

vo un kā zamāna thā jahāñ aql baḌī thī

ye merā zamāna hai yahāñ bhaiñs baḌī hai

phir kyā hai jo 'māchis' nahīñ ye soz-e-mohabbat

ik barq sī rag rag meñ mire kauñd rahī hai

aankhen nikal aai hain meri sans ruki hai

jald aa ki teri yaad gala ghunT rahi hai

dawat ki teri bazm mein kyun dhum machi hai

kya baat hai kya koi nai jeb kaTi hai

waiz ko jo dekho to ghaTa-Top andhera

saqi ko jo dekho to kiran phuT rahi hai

kya hai jo nahin ye asar-e-rabt-e-mohabbat

roe to hain wo aur meri aawaz paDi hai

sae ki tamanna mein jahan baiTh gaya hun

chandiya pe wahin tak ke diwar giri hai

chhuTe nahin chhuTti hai tere wasl ki hasrat

ye jonk mere dil ka lahu chus rahi hai

wo un ka zamana tha jahan aql baDi thi

ye mera zamana hai yahan bhains baDi hai

phir kya hai jo 'machis' nahin ye soz-e-mohabbat

ek barq si rag rag mein mere kaund rahi hai