sifarish ki zarurat hi na hoti
sifārish kī zarūrat hī na hotī
navāzish kī zarūrat hī na hotī
agar aatā hameñ haq chhīn lenā
guzārish kī zarūrat hī na hotī
agar sūkhe kueñ shabnam se bharte
to bārish kī zarūrat hī na hotī
nahīñ aate agar duniyā meñ ham to
rihā.ish kī zarūrat hī na hotī
hasīnoñ kā jo hotā husn saada
numā.ish kī zarūrat hī na hotī
agar hotā na shauq-e-ḳhud-sanā.ī
satā.ish kī zarūrat hī na hotī
siyāsat-dāñ jo tab.ī maut marte
to sāzish kī zarūrat hī na hotī
agar tum 'ḳhvāh-maḳhvāh' karte qanā.at
to ḳhvāhish kī zarūrat hī na hotī
sifarish ki zarurat hi na hoti
nawazish ki zarurat hi na hoti
agar aata hamein haq chhin lena
guzarish ki zarurat hi na hoti
agar sukhe kuen shabnam se bharte
to barish ki zarurat hi na hoti
nahin aate agar duniya mein hum to
rihaish ki zarurat hi na hoti
hasinon ka jo hota husn sada
numaish ki zarurat hi na hoti
agar hota na shauq-e-KHud-sanai
sataish ki zarurat hi na hoti
siyasat-dan jo tabi maut marte
to sazish ki zarurat hi na hoti
agar tum 'KHwah-maKHwah' karte qanaat
to KHwahish ki zarurat hi na hoti
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
