ye muztarib shab-o-sahar lahu lahu

ye muztarib shab-o-sahar lahū lahū

zamīn-o-āsmān par lahū lahū

taraqqī-o-kamāl bhī 'ajīb hai

yahāñ vahāñ idhar udhar lahū lahū

parind us pe kis tarah guzar kareñ

ki ho chukā hai jo shajar lahū lahū

bapā huā hai inqilāb-e-dahr yuuñ

galī galī nagar nagar lahū lahū

qarār-e-jāñ qarīb aa ke dekh to

ye dil ye jaan ye jigar lahū lahū

tire ġham-e-firāq kā asar hai ye

hai ābshār-e-chashm-e-tar lahū lahū

yazīd-e-vaqt se kabhī Darā nahīñ

bhale huā maiñ sar-ba-sar lahū lahū

ye muztarib shab-o-sahar lahu lahu

zamin-o-asman par lahu lahu

taraqqi-o-kamal bhi 'ajib hai

yahan wahan idhar udhar lahu lahu

parind us pe kis tarah guzar karen

ki ho chuka hai jo shajar lahu lahu

bapa hua hai inqilab-e-dahr yun

gali gali nagar nagar lahu lahu

qarar-e-jaan qarib aa ke dekh to

ye dil ye jaan ye jigar lahu lahu

tere gham-e-firaq ka asar hai ye

hai aabshaar-e-chashm-e-tar lahu lahu

yazid-e-waqt se kabhi Dara nahin

bhale hua main sar-ba-sar lahu lahu