dil ko kisi bhi chiz ki ab justuju nahin

dil ko kisī bhī chiiz kī ab justujū nahīñ

jiine kī is dayār meñ ab aarzū nahīñ

ḳhūn-e-jigar ko pī ke ye duniyā ne keh diyā

paanī hai bas tumhārī ragoñ meñ lahū nahīñ

ḳhushbū jo hai basī huī zulfoñ meñ aap kī

aisī to is jahāñ meñ kahīñ rang-o-bū nahīñ

dil phaT gayā hai is tarah is do jahān se

aisā huā hai zaḳhm ki mumkin rafū nahīñ

dekhā jo mushkilāt ne mujh ko to ye kahā

bas tum ho aur koī mire rū-barū nahīñ

'dānish' bhaTak rahe ho yahāñ miir kī tarah

is shahr-e-lakhna.ū meñ koī aabrū nahīñ

dil ko kisi bhi chiz ki ab justuju nahin

jine ki is dayar mein ab aarzu nahin

KHun-e-jigar ko pi ke ye duniya ne keh diya

pani hai bas tumhaari ragon mein lahu nahin

KHushbu jo hai basi hui zulfon mein aap ki

aisi to is jahan mein kahin rang-o-bu nahin

dil phaT gaya hai is tarah is do jahan se

aisa hua hai zaKHm ki mumkin rafu nahin

dekha jo mushkilat ne mujh ko to ye kaha

bas tum ho aur koi mere ru-baru nahin

'danish' bhaTak rahe ho yahan mir ki tarah

is shahr-e-lakhnau mein koi aabru nahin