zindagi roz banati hai bahane kya kya

zindagī roz banātī hai bahāne kyā kyā

jaane rahte haiñ abhī khel dikhāne kyā kyā

sirf āñkhoñ kī namī hī to nahīñ maz.har-e-ġham

kuchh tabassum bhī jatā dete haiñ jaane kyā kyā

ḳhaTkeñ is aañkh meñ to dhaḌkeñ kabhī us dil meñ

dar-ba-dar ho ke bhī apne haiñ Thikāne kyā kyā

bol paḌtā to mirī baat mirī hī rahtī

ḳhāmushī ne haiñ diye sab ko fasāne kyā kyā

shahr meñ rañg jamā gaañv meñ fasleñ ujḌīñ

hashr uThāyā binā mausam kī ghaTā ne kyā kyā

ḳhvāb o ummīd kā haq, aah kā fariyād kā haq

tujh pe vaar aa.e haiñ ye tere divāne kyā kyā

zindagi roz banati hai bahane kya kya

jaane rahte hain abhi khel dikhane kya kya

sirf aankhon ki nami hi to nahin mazhar-e-gham

kuchh tabassum bhi jata dete hain jaane kya kya

KHaTken is aankh mein to dhaDken kabhi us dil mein

dar-ba-dar ho ke bhi apne hain Thikane kya kya

bol paDta to meri baat meri hi rahti

KHamushi ne hain diye sab ko fasane kya kya

shahr mein rang jama ganw mein faslen ujDin

hashr uThaya bina mausam ki ghaTa ne kya kya

KHwab o ummid ka haq, aah ka fariyaad ka haq

tujh pe war aae hain ye tere diwane kya kya