yar jab tak KHafa nahin hota
yaar jab tak ḳhafā nahīñ hotā
pyaar kā haq adā nahīñ hotā
maiñ to sab us pe chhoḌ detā huuñ
mujh se jab faisla nahīñ hotā
masnadoñ pe jo baiTh jaate haiñ
un kā koī ḳhudā nahīñ hotā
saath photo khiñchā to lete haiñ
saath koī khaḌā nahīñ hotā
kaash us vaqt chup rahe hote
kaash vo sab kahā nahīñ hotā
ham akele meñ baat karte haiñ
jab koī dūsrā nahīñ hotā
pahle har aadmī se vāqif the
ab to apnā pata nahīñ hotā
yar jab tak KHafa nahin hota
pyar ka haq ada nahin hota
main to sab us pe chhoD deta hun
mujh se jab faisla nahin hota
masnadon pe jo baiTh jate hain
un ka koi KHuda nahin hota
sath photo khincha to lete hain
sath koi khaDa nahin hota
kash us waqt chup rahe hote
kash wo sab kaha nahin hota
hum akele mein baat karte hain
jab koi dusra nahin hota
pahle har aadmi se waqif the
ab to apna pata nahin hota
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
