zara si baat pe har rasm toD aaya tha

zarā sī baat pe har rasm toḌ aayā thā

dil-e-tabāh ne bhī kyā mizāj paayā thā

guzar gayā hai koī lamha-e-sharar kī tarah

abhī to maiñ use pahchān bhī na paayā thā

muaaf kar na sakī merī zindagī mujh ko

vo ek lamha ki maiñ tujh se tañg aayā thā

shagufta phuul simaT kar kalī bane jaise

kuchh is kamāl se tū ne badan churāyā thā

patā nahīñ ki mire ba.ad un pe kyā guzrī

maiñ chand ḳhvāb zamāne meñ chhoḌ aayā thā

zara si baat pe har rasm toD aaya tha

dil-e-tabah ne bhi kya mizaj paya tha

guzar gaya hai koi lamha-e-sharar ki tarah

abhi to main use pahchan bhi na paya tha

muaf kar na saki meri zindagi mujh ko

wo ek lamha ki main tujh se tang aaya tha

shagufta phul simaT kar kali bane jaise

kuchh is kamal se tu ne badan churaya tha

pata nahin ki mere baad un pe kya guzri

main chand KHwab zamane mein chhoD aaya tha