ye udasi ye phailte sae

ye udāsī ye phailte saa.e

ham tujhe yaad kar ke pachhtā.e

mil gayā thā sakūñ nigāhoñ ko

kī tamannā to ashk bhar aa.e

gul hī uktā ga.e haiñ gulshan se

bāġhbāñ se kaho na ghabrā.e

ham jo pahuñche to rahguzar hī na thī

tum jo aa.e to manzileñ laa.e

jo zamāne kā saath de na sake

vo tire āstāñ se lauT aa.e

bas vahī the matā-e-dīda-o-dil

jitne aañsū mizha talak aa.e

ye udasi ye phailte sae

hum tujhe yaad kar ke pachhtae

mil gaya tha sakun nigahon ko

ki tamanna to ashk bhar aae

gul hi ukta gae hain gulshan se

baghban se kaho na ghabrae

hum jo pahunche to rahguzar hi na thi

tum jo aae to manzilen lae

jo zamane ka sath de na sake

wo tere aastan se lauT aae

bas wahi the mata-e-dida-o-dil

jitne aansu mizha talak aae