ye mashwara baham uTThe hain chaara-ju karte

ye mashvara baham uTThe haiñ chāra-jū karte

ki ab marīz ko achchhā thā qibla-rū karte

zabān ruk ga.ī āḳhir sahar ke hote hii!

tamām raat kaTī dil se guftugū karte

savād-e-shahr-e-ḳhamoshāñ kā dekhiye manzar!

sunā na ho jo ḳhamoshī ko guftugū karte

tamām ruuh kī lazzat isī pe thī mauqūf

ki zindagī meñ kabhī tum se guftugū karte

javāb hazrat-e-nāseh ko ham bhī kuchh dete

jo guftugū ke tarīqe se guftugū karte

pahuñch ke hashr ke maidāñ meñ haul kyuuñ hai 'azīz'

abhī to pahlī hī manzil hai justujū karte

ye mashwara baham uTThe hain chaara-ju karte

ki ab mariz ko achchha tha qibla-ru karte

zaban ruk gai aaKHir sahar ke hote hi!

tamam raat kaTi dil se guftugu karte

sawad-e-shahr-e-KHamoshan ka dekhiye manzar!

suna na ho jo KHamoshi ko guftugu karte

tamam ruh ki lazzat isi pe thi mauquf

ki zindagi mein kabhi tum se guftugu karte

jawab hazrat-e-naseh ko hum bhi kuchh dete

jo guftugu ke tariqe se guftugu karte

pahunch ke hashr ke maidan mein haul kyun hai 'aziz'

abhi to pahli hi manzil hai justuju karte