yaqin barson ka imkan kuchh dinon ka hun
yaqīn barsoñ kā imkān kuchh dinoñ kā huuñ
maiñ tere shahr meñ mehmān kuchh dinoñ kā huuñ
phir is ke ba.ad mujhe harf harf honā hai
tumhāre haath meñ dīvān kuchh dinoñ kā huuñ
kisī bhī din ise sar se utaar pheñkuñgā
maiñ ḳhud pe bojh mirī jaan kuchh dinoñ kā huuñ
zamīn-zāde mirī umr kā hisāb na kar
uThā ke dekh le mīzān kuchh dinoñ kā huuñ
mujhe ye dukh hai ki hasharāt-e-ġham tumhāre liye
maiñ ḳhurd-o-nosh kā sāmān kuchh dinoñ kā huuñ
yaqin barson ka imkan kuchh dinon ka hun
main tere shahr mein mehman kuchh dinon ka hun
phir is ke baad mujhe harf harf hona hai
tumhaare hath mein diwan kuchh dinon ka hun
kisi bhi din ise sar se utar phenkunga
main KHud pe bojh meri jaan kuchh dinon ka hun
zamin-zade meri umr ka hisab na kar
uTha ke dekh le mizan kuchh dinon ka hun
mujhe ye dukh hai ki hasharaat-e-gham tumhaare liye
main KHurd-o-nosh ka saman kuchh dinon ka hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
