jirah nishan pe hui rah par sawal hua

jirah nishāñ pe huī raah par savāl huā

safar kā qasd safar se sivā vabāl huā

vo bāb-e-nūr thā harf-e-nigāh se aage

kahāñ kitāb khulī kis jagah visāl huā

vo dil kahāñ ki dikhā.e lakīr se tasvīr

ye aa.ina bhī tire baa'd be-kamāl huā

har ek sā’at-e-be-rang kā qadam mujh par

maiñ jitnā sabz huā utnā pā.emāl huā

khulā hai lafz pe pāyān-e-nutq meñ mazmūñ

ye āftāb daraḳhshāñ dam-e-zavāl huā

jirah nishan pe hui rah par sawal hua

safar ka qasd safar se siwa wabaal hua

wo bab-e-nur tha harf-e-nigah se aage

kahan kitab khuli kis jagah visal hua

wo dil kahan ki dikhae lakir se taswir

ye aaina bhi tere ba'd be-kamal hua

har ek sa’at-e-be-rang ka qadam mujh par

main jitna sabz hua utna paemal hua

khula hai lafz pe payan-e-nutq mein mazmun

ye aaftab daraKHshan dam-e-zawal hua