sawad-e-sham mein sab wahshiyon ka jalsa ho
savād-e-shām meñ sab vahshiyoñ kā jalsa ho
lahū kā raag ho aur naġhma-sāz pyāsā ho
sunā rahe haiñ mujhe log dāstāñ us kī
is e'timād se jaise kisī ne dekhā ho
kisī ke hoñT suroñ meñ kalām karte hoñ
kisī kā ranj udāsī kī taan letā ho
kisī kinār kī ḳhushbū se she'r khulne lageñ
ki baat baat nahīñ ho bas ik ishārā ho
balā-e-marg koī shawl ho sitāroñ jaḌā
ḳhizāñ kī shaam ho aur sardiyoñ kā qissa ho
sawad-e-sham mein sab wahshiyon ka jalsa ho
lahu ka rag ho aur naghma-saz pyasa ho
suna rahe hain mujhe log dastan us ki
is e'timad se jaise kisi ne dekha ho
kisi ke honT suron mein kalam karte hon
kisi ka ranj udasi ki tan leta ho
kisi kinar ki KHushbu se she'r khulne lagen
ki baat baat nahin ho bas ek ishaara ho
bala-e-marg koi shawl ho sitaron jaDa
KHizan ki sham ho aur sardiyon ka qissa ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
