humne himmat ka kar-o-bar kiya
ham ne himmat kā kār-o-bār kiyā
'ishq se husn kā shikār kiyā
ek lamha bhī intizār hai saḳht
ham ne tā-'umr intizār kiyā
ham ko dād-e-vafā milī na milī
tujh pe hī jān-o-dil nisār kiyā
mashriq-o-maġhrib-o-shumāl-o-junūb
ġham ne har jā mirā hisār kiyā
dil ne sab kuchh chhupā liyā lekin
āñsuoñ ne sab āshkār kiyā
'sā'dī' hai sar se pā talak zaḳhmī
us ne duniyā pe e'tibār kiyā
hum ne himmat ka kar-o-bar kiya
'ishq se husn ka shikar kiya
ek lamha bhi intizar hai saKHt
hum ne ta-'umr intizar kiya
hum ko dad-e-wafa mili na mili
tujh pe hi jaan-o-dil nisar kiya
mashriq-o-maghrib-o-shumal-o-junub
gham ne har ja mera hisar kiya
dil ne sab kuchh chhupa liya lekin
aansuon ne sab aashkar kiya
'sa'di' hai sar se pa talak zaKHmi
us ne duniya pe e'tibar kiya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
