diye wafaon ke man mein jala gaya koi

diye vafāoñ ke man meñ jalā gayā koī

ki tīrgī meñ ujāle thamā gayā koī

kisī kā ḳhaas ta'alluq thā gulshan-o-gul se

hamārī ruuh mo'attar banā gayā koī

hamāre paas bhī burhān-e-'ishq thī lekin

dalīl-e-husn se ham ko harā gayā koī

suḳhan kamāl adā.eñ kamāl thiiñ us kī

dil-o-dimāġh pe mere to chhā gayā koī

uThā.e haath to maanī ga.ī ḳhudā ke huzūr

du'ā ke mo'jize sab ko dikhā gayā koī

vo duur rah ke bhī ham ko qarīb lagtā hai

nazar ke fāsle jaise miTā gayā koī

diye wafaon ke man mein jala gaya koi

ki tirgi mein ujale thama gaya koi

kisi ka KHas ta'alluq tha gulshan-o-gul se

hamari ruh mo'attar bana gaya koi

hamare pas bhi burhan-e-'ishq thi lekin

dalil-e-husn se hum ko hara gaya koi

suKHan kamal adaen kamal thin us ki

dil-o-dimagh pe mere to chha gaya koi

uThae hath to mani gai KHuda ke huzur

du'a ke mo'jize sab ko dikha gaya koi

wo dur rah ke bhi hum ko qarib lagta hai

nazar ke fasle jaise miTa gaya koi