apne KHayalon mein usko tamir karungi
apne ḳhayāloñ meñ us ko tā'mīr karūñgī
yā'nī vafā kī she'roñ meñ tafsīr karūñgī
hū kā 'ālam jab pā.ūñgī dar-badarī meñ
us ke naam kī vahshat ko jāgīr karūñgī
gā.egā malhār zamāna 'ishq kā mere
ḳhud ko jis din ik rāñjhā kī hiir karūñgī
duniyā kī āñkhoñ se dariyā bah jā.egā
paidā aahoñ meñ itnī tāsīr karūñgī
'ġhālib' kī chaukhaT kī murīdan ban jā.ūñgī
apnī ġhazal meñ 'mīr' kā ġham tahrīr karūñgī
us kī zaat meñ bas jā.egī ḳhushbū saarī
apnī zulfoñ meñ us ko zanjīr karūñgī
apne KHayalon mein us ko ta'mir karungi
ya'ni wafa ki she'ron mein tafsir karungi
hu ka 'alam jab paungi dar-badari mein
us ke nam ki wahshat ko jagir karungi
gaega malhaar zamana 'ishq ka mere
KHud ko jis din ek ranjha ki hir karungi
duniya ki aankhon se dariya bah jaega
paida aahon mein itni tasir karungi
'ghaalib' ki chaukhaT ki muridan ban jaungi
apni ghazal mein 'mir' ka gham tahrir karungi
us ki zat mein bas jaegi KHushbu sari
apni zulfon mein us ko zanjir karungi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
