wo KHwab tha bikhar gaya KHayal tha mila nahin

vo ḳhvāb thā bikhar gayā ḳhayāl thā milā nahīñ

magar ye dil ko kyā huā kyuuñ bujh gayā patā nahīñ

har ek din udaas din tamām shab udāsiyāñ

kisī se kyā bichhaḌ ga.e ki jaise kuchh bachā nahīñ

vo saath thā to manzileñ nazar nazar charāġh thiiñ

qadam qadam safar meñ ab koī bhī lab duā nahīñ

ham apne is mizāj meñ kahīñ bhī ghar na ho sake

kisī se ham mile nahīñ kisī se dil milā nahīñ

hai shor sā taraf taraf ki sarhadoñ kī jañg meñ

zamīñ pe aadmī nahīñ falak pe kyā ḳhudā nahīñ

wo KHwab tha bikhar gaya KHayal tha mila nahin

magar ye dil ko kya hua kyun bujh gaya pata nahin

har ek din udas din tamam shab udasiyan

kisi se kya bichhaD gae ki jaise kuchh bacha nahin

wo sath tha to manzilen nazar nazar charagh thin

qadam qadam safar mein ab koi bhi lab dua nahin

hum apne is mizaj mein kahin bhi ghar na ho sake

kisi se hum mile nahin kisi se dil mila nahin

hai shor sa taraf taraf ki sarhadon ki jang mein

zamin pe aadmi nahin falak pe kya KHuda nahin