wo ek rau jo lab-e-nukta-chin mein hoti hai

vo ek rau jo lab-e-nukta-chīñ meñ hotī hai

suḳhan vahī dil-e-andoh-gīñ meñ hotī hai

koī vo shak kā añdherā ki jis kī jast ke ba.ad

chamak sī silsila-hā-e-yaqīñ meñ hotī hai

bahār chāk-e-garebāñ meñ Thahr jaatī hai

junūñ kī mauj koī āstīñ meñ hotī hai

vo ḳhaak anjum o mahtāb ko nasīb nahīñ

jo mauj marg o numū kī zamīñ meñ hotī hai

ġhunūda dīn-e-buzurgāñ meñ ab vo lau na rahī

jo ahd-e-nau ke ġham-e-ātishīñ meñ hotī hai

ye raat tā.ir-e-hijrat-zada ġhanīmat hai

tulū-e-sub.h savād-e-kamīñ meñ hotī hai

kabhī kabhī to harīfāna koī ātish-e-sañg

faroġh pā ke libās-e-nagīñ meñ hotī hai

wo ek rau jo lab-e-nukta-chin mein hoti hai

suKHan wahi dil-e-andoh-gin mein hoti hai

koi wo shak ka andhera ki jis ki jast ke baad

chamak si silsila-ha-e-yaqin mein hoti hai

bahaar chaak-e-gareban mein Thahr jati hai

junun ki mauj koi aastin mein hoti hai

wo KHak anjum o mahtab ko nasib nahin

jo mauj marg o numu ki zamin mein hoti hai

ghunuda din-e-buzurgan mein ab wo lau na rahi

jo ahd-e-nau ke gham-e-atishin mein hoti hai

ye raat tair-e-hijrat-zada ghanimat hai

tulu-e-subh sawad-e-kamin mein hoti hai

kabhi kabhi to harifana koi aatish-e-sang

farogh pa ke libas-e-nagin mein hoti hai