wahi raTe hue jumle ugal raha hun abhi
vahī raTe hue jumle ugal rahā huuñ abhī
giraft-e-harf se bāhar nikal rahā huuñ abhī
vo ek tū ki havā kī tarah guzar bhī chukā
vo ek maiñ ki faqat haath mal rahā huuñ abhī
mirī numūd kisī jism kī talāsh meñ hai
maiñ raushnī huuñ añdheroñ meñ chal rahā huuñ abhī
kushāda barg raheñ hijr ke ghane saa.e
tire visāl ke sahrā meñ jal rahā huuñ abhī
sahar ke rañg mirī raakh se janam leñge
'najīb' raat kī āñkhoñ meñ jal rahā huuñ abhī
wahi raTe hue jumle ugal raha hun abhi
giraft-e-harf se bahar nikal raha hun abhi
wo ek tu ki hawa ki tarah guzar bhi chuka
wo ek main ki faqat hath mal raha hun abhi
meri numud kisi jism ki talash mein hai
main raushni hun andheron mein chal raha hun abhi
kushada barg rahen hijr ke ghane sae
tere visal ke sahra mein jal raha hun abhi
sahar ke rang meri rakh se janam lenge
'najib' raat ki aankhon mein jal raha hun abhi
- Book : Ibaraten (Pg. 131)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
