usne koi to dam paDha hua hai
us ne koī to dam paḌhā huā hai
jis ne dekhā vo mubtalā huā hai
ab tire rāste se bach niklūñ
ik yahī rāsta bachā huā hai
aao taqrīb-e-rū-numā.ī kareñ
paañv meñ ek aabla huā hai
phir vahī bahs chheḌ dete ho
itnī mushkil se rābta huā hai
raat kī vārdāt mat pūchho
vāqa.ī ek vāqi.a huā hai
lag rahā hai ye narm lahje se
phir tujhe koī mas.ala huā hai
maiñ kahāñ aur vo fasīl kahāñ
fāsle kā hī faisla huā hai
itnā masrūf ho gayā huuñ ki bas
'mīr' bhī ik taraf paḌā huā hai
aaj kuchh bhī nahīñ huā 'javvād'
haañ magar ek sāneha huā hai
us ne koi to dam paDha hua hai
jis ne dekha wo mubtala hua hai
ab tere raste se bach niklun
ek yahi rasta bacha hua hai
aao taqrib-e-ru-numai karen
panw mein ek aabla hua hai
phir wahi bahs chheD dete ho
itni mushkil se rabta hua hai
raat ki wardat mat puchho
waqai ek waqia hua hai
lag raha hai ye narm lahje se
phir tujhe koi masala hua hai
main kahan aur wo fasil kahan
fasle ka hi faisla hua hai
itna masruf ho gaya hun ki bas
'mir' bhi ek taraf paDa hua hai
aaj kuchh bhi nahin hua 'jawwad'
han magar ek saneha hua hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
