un se tanhai mein baat hoti rahi

un se tanhā.ī meñ baat hotī rahī

ġhā.ebāna mulāqāt hotī rahī

ham bulāte vo tashrīf laate rahe

ḳhvāb meñ ye karāmāt hotī rahī

kāsa-e-chashm labrez hotī rahī

us darīche se ḳhairāt hotī rahī

dil bhī zor-āzmā.ī se haarā nahīñ

garche har martaba maat hotī rahī

sar bachā.e rahā sabr kā sā.ebāñ

āsmāñ se to barsāt hotī rahī

go mohabbat se ham jī churāte rahe

zindagī bhar ye bad-zāt hotī rahī

shahr bhar meñ phirāyā gayā qais ko

kūche kūche mudārāt hotī rahī

jāgte aur sote rahe ham 'shu.ūr'

din nikaltā rahā raat hotī rahī

un se tanhai mein baat hoti rahi

ghaebana mulaqat hoti rahi

hum bulate wo tashrif late rahe

KHwab mein ye karamat hoti rahi

kasa-e-chashm labrez hoti rahi

us dariche se KHairaat hoti rahi

dil bhi zor-azmai se haara nahin

garche har martaba mat hoti rahi

sar bachae raha sabr ka saeban

aasman se to barsat hoti rahi

go mohabbat se hum ji churaate rahe

zindagi bhar ye bad-zat hoti rahi

shahr bhar mein phiraya gaya qais ko

kuche kuche mudaraat hoti rahi

jagte aur sote rahe hum 'shuur'

din nikalta raha raat hoti rahi