un ke gesu sanwarte jate hain
un ke gesū sañvarte jaate haiñ
hādse haiñ guzarte jaate haiñ
vaqt suntā hai jin kī āvāzeñ
haa.e vo log marte jaate haiñ
Dūbne vaale mauj-e-tūfāñ se
jaane kyā baat karte jaate haiñ
yuuñ guzarte haiñ hijr ke lamhe
jaise vo baat karte jaate haiñ
hosh meñ aa rahe haiñ dīvāne
kis ke jalve bikharte jaate haiñ
kyā ḳhabar aaj kis kī yādoñ ke
'naqsh' dil par ubharte jaate haiñ
un ke gesu sanwarte jate hain
hadse hain guzarte jate hain
waqt sunta hai jin ki aawazen
hae wo log marte jate hain
Dubne wale mauj-e-tufan se
jaane kya baat karte jate hain
yun guzarte hain hijr ke lamhe
jaise wo baat karte jate hain
hosh mein aa rahe hain diwane
kis ke jalwe bikharte jate hain
kya KHabar aaj kis ki yaadon ke
'naqsh' dil par ubharte jate hain
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
