taskin-e-nazar ho to na duniya hai na din hai
taskīn-e-nazar ho to na duniyā hai na diiñ hai
nazdīk se dekho to har ik chiiz hasīñ hai
ik markaz-e-ummīd se haTte nahīñ din raat
sunte the ḳhayālāt ko zanjīr nahīñ hai
vo dard huuñ jis dard kā koī nahīñ hamdard
vo ḳhvāb huuñ jis ḳhvāb kī tā'bīr nahīñ hai
ye ḳhūbī-e-qismat kā tamāshā hai vagarna
maiñ ḳhud bhī vahīñ huuñ mirī duniyā bhī vahīñ hai
taskin-e-nazar ho to na duniya hai na din hai
nazdik se dekho to har ek chiz hasin hai
ek markaz-e-ummid se haTte nahin din raat
sunte the KHayalat ko zanjir nahin hai
wo dard hun jis dard ka koi nahin hamdard
wo KHwab hun jis KHwab ki ta'bir nahin hai
ye KHubi-e-qismat ka tamasha hai wagarna
main KHud bhi wahin hun meri duniya bhi wahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
