KHabar kise thi ki aisa bhi imtihan hoga
ḳhabar kise thī ki aisā bhī imtihāñ hogā
jo harz-e-jāñ hai banā vo vabāl-e-jāñ hogā
maiñ is liye nahīñ kahtā kisī se apne raaz
ki rāz-dāñ kā bhī koī to rāz-dāñ hogā
kabhī to degā vo us gul talak rasā.ī hameñ
kabhī to ham pe bhī gulchīñ vo mehrbāñ hogā
farefta hai hamī par ye sham'-e-mahfil bhī
hue na ham to na ye zauq aur samāñ hogā
murād-e-dil jo 'mudassir' abhī na bar aa.ī
to is taḌap kā abhī aur imtihāñ hogā
KHabar kise thi ki aisa bhi imtihan hoga
jo harz-e-jaan hai bana wo wabaal-e-jaan hoga
main is liye nahin kahta kisi se apne raaz
ki raaz-dan ka bhi koi to raaz-dan hoga
kabhi to dega wo us gul talak rasai hamein
kabhi to hum pe bhi gulchin wo mehrban hoga
farefta hai hami par ye sham'-e-mahfil bhi
hue na hum to na ye zauq aur saman hoga
murad-e-dil jo 'mudassir' abhi na bar aai
to is taDap ka abhi aur imtihan hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
