hansti raho ki dip ke tewar mein dam rahe
hañstī raho ki diip ke tevar meñ dam rahe
mujh kahkashāñ ke saath havā kā bharam rahe
gintī ke chand saal muqaddar meñ maañ rahī
bachpan guzar chukā thā so ḳhushiyoñ se tham rahe
ham ne tumhāre saath bitā.e haiñ chaar din
al-hamd zindagī kī sadā kā rythm rahe
be-shak koī kisī kā bhī ne'mul-badal nahīñ
lekin vo chāñd jis kī mohabbat meñ ham rahe
vo thā to zindagī ke maqāsid the lekin ab
'kāshif' maiñ chāhtā huuñ ye tūfān tham rahe
hansti raho ki dip ke tewar mein dam rahe
mujh kahkashan ke sath hawa ka bharam rahe
ginti ke chand sal muqaddar mein man rahi
bachpan guzar chuka tha so KHushiyon se tham rahe
hum ne tumhaare sath bitae hain chaar din
al-hamd zindagi ki sada ka rythm rahe
be-shak koi kisi ka bhi ne'mul-badal nahin
lekin wo chand jis ki mohabbat mein hum rahe
wo tha to zindagi ke maqasid the lekin ab
'kashif' main chahta hun ye tufan tham rahe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
