tera shauq-e-didar paida hua hai
tirā shauq-e-dīdār paidā huā hai
phir is dil ko āzār paidā huā hai
sadā paan khā khā ke nikle hai bāhar
zamāne meñ ḳhūñ-ḳhvār paidā huā hai
ye madfan hai kis kā jo har laala yaañ se
jigar-ḳhūñ dil-afgār paidā huā hai
uḌaa.e haiñ laḳht-e-jigar aah ne jab
havā meñ bhī gulzār paidā huā hai
maiñ kyūñkar na rakhkhūñ aziiz apne dil ko
kahīñ dil sā bhī yaar paidā huā hai
kahe thī ye tiflī meñ dekh us ko daaya
ye laḌkā tarah-dār paidā huā hai
maiñ aayā huuñ muddat meñ koī us se kah do
tumhārā gunahgār paidā huā hai
ye dil mujh se laḌtā hai terī taraf se
kahāñ kā taraf-dār paidā huā hai
miyāñ 'mus.hafī' bechte ho jo dil ko
to laao ḳharīdār paidā huā hai
tera shauq-e-didar paida hua hai
phir is dil ko aazar paida hua hai
sada pan kha kha ke nikle hai bahar
zamane mein KHun-KHwar paida hua hai
ye madfan hai kis ka jo har lala yan se
jigar-KHun dil-afgar paida hua hai
uDae hain laKHt-e-jigar aah ne jab
hawa mein bhi gulzar paida hua hai
main kyunkar na rakhkhun aziz apne dil ko
kahin dil sa bhi yar paida hua hai
kahe thi ye tifli mein dekh us ko daya
ye laDka tarah-dar paida hua hai
main aaya hun muddat mein koi us se kah do
tumhaara gunahgar paida hua hai
ye dil mujh se laDta hai teri taraf se
kahan ka taraf-dar paida hua hai
miyan 'mushafi' bechte ho jo dil ko
to lao KHaridar paida hua hai
- Book : kulliyat-e-mas.hafii(awwa) (Pg. 346)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
