tilism KHatm chalo aah-e-be-asar ka hua
tilism ḳhatm chalo āh-e-be-asar kā huā
vo dekho jism barahna har ik shajar kā huā
sunā.ūñ kaise ki sūraj kī zad meñ haiñ sab log
jo haal raat ko parchhā.iyoñ ke ghar kā huā
sadā ke saa.e meñ sannāToñ ko panāh milī
ajab ki shahr meñ charchā na is ḳhabar kā huā
ḳhalā kī dhund hī āñkhoñ pe mehrbān rahī
harīf koī ufuq kab mirī nazar kā huā
maiñ sochtā huuñ magar yaad kuchh nahīñ aatā
ki iḳhtitām kahāñ ḳhvāb ke safar kā huā
tilism KHatm chalo aah-e-be-asar ka hua
wo dekho jism barahna har ek shajar ka hua
sunaun kaise ki suraj ki zad mein hain sab log
jo haal raat ko parchhaiyon ke ghar ka hua
sada ke sae mein sannaTon ko panah mili
ajab ki shahr mein charcha na is KHabar ka hua
KHala ki dhund hi aankhon pe mehrban rahi
harif koi ufuq kab meri nazar ka hua
main sochta hun magar yaad kuchh nahin aata
ki iKHtitam kahan KHwab ke safar ka hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
