tez ho jata hai KHushbu ka safar sham ke baad

tez ho jaatā hai ḳhushbū kā safar shaam ke baad

phuul shahroñ meñ bhī khilte haiñ magar shaam ke baad

us se daryāft na karnā kabhī din ke hālāt

sub.h kā bhūlā jo lauT aayā ho ghar shaam ke baad

din tire hijr meñ kaT jaatā hai jaise-taise

mujh se rahtī hai ḳhafā merī nazar shaam ke baad

qad se baḌh jaa.e jo saaya to burā lagtā hai

apnā sūraj vo uThā letā hai har shaam ke baad

tum na kar pāoge andāza tabāhī kā mirī

tum ne dekhā hī nahīñ koī shajar shaam ke baad

mere baare meñ koī kuchh bhī kahe sab manzūr

mujh ko rahtī hī nahīñ apnī ḳhabar shaam ke baad

yahī milne kā samay bhī hai bichhaḌne kā bhī

mujh ko lagtā hai bahut apne se Dar shaam ke baad

tīrgī ho to vajūd us kā chamaktā hai bahut

DhūñD to lūñgā use 'nūr' magar shaam ke baad

tez ho jata hai KHushbu ka safar sham ke baad

phul shahron mein bhi khilte hain magar sham ke baad

us se daryaft na karna kabhi din ke haalat

subh ka bhula jo lauT aaya ho ghar sham ke baad

din tere hijr mein kaT jata hai jaise-taise

mujh se rahti hai KHafa meri nazar sham ke baad

qad se baDh jae jo saya to bura lagta hai

apna suraj wo uTha leta hai har sham ke baad

tum na kar paoge andaza tabahi ka meri

tum ne dekha hi nahin koi shajar sham ke baad

mere bare mein koi kuchh bhi kahe sab manzur

mujh ko rahti hi nahin apni KHabar sham ke baad

yahi milne ka samay bhi hai bichhaDne ka bhi

mujh ko lagta hai bahut apne se Dar sham ke baad

tirgi ho to wajud us ka chamakta hai bahut

DhunD to lunga use 'nur' magar sham ke baad