wo kisi ghair ke jab naz uThati hogi
vo kisī ġhair ke jab naaz uThātī hogī
ek lamhe ko mirī yaad to aatī hogī
ek muddat mirī bāñhoñ maiñ bhaTakne vaalī
ab kisī aur kī bāñhoñ meñ samātī hogī
is qadar māh-jabīñ thī ki vo vaqt-e-fursat
chāñd kā haath bhī achchhe se baTātī hogī
jaane vo shaḳhs bhī mānūs-e-suḳhan hai yā nahīñ
gar nahīñ to kise ash'ār sunātī hogī
ḳhāmushī aap kī sāvan kī rutoñ meñ 'haidar'
ḳhālī kamre meñ bahut shor machātī hogī
wo kisi ghair ke jab naz uThati hogi
ek lamhe ko meri yaad to aati hogi
ek muddat meri banhon main bhaTakne wali
ab kisi aur ki banhon mein samati hogi
is qadar mah-jabin thi ki wo waqt-e-fursat
chand ka hath bhi achchhe se baTati hogi
jaane wo shaKHs bhi manus-e-suKHan hai ya nahin
gar nahin to kise ash'ar sunati hogi
KHamushi aap ki sawan ki ruton mein 'haidar'
KHali kamre mein bahut shor machati hogi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
