raat din aasan hote ja rahe hain

raat din āsān hote jā rahe haiñ

jab se ham anjān hote jā rahe haiñ

saañs the ham jaan the ham zindagī the

ab kidhar vo dhyān hote jā rahe haiñ

kyā gila ab kījiye ik dūsre se

dil hī be-īmān hote jā rahe haiñ

tum bhī ab vo apsarā sī kab rahī ho

ham bhī ab insān hote jā rahe haiñ

jis ko jo chāhe samajhtā hai samajh le

is qadar āsān hote jā rahe haiñ

dekh ham ko vāpsī ke rāstoñ par

rāste hairān hote jā rahe haiñ

ġham alam tanhā.iyāñ vo ratjage sab

mere bin vīrān hote jā rahe haiñ

ham ne sochā thā bahut mushkil hai jiinā

ḳhud-ba-ḳhud āsān hote jā rahe haiñ

is tarah āzād haiñ ab sab fazā.eñ

qaid ḳhud zindān hote jā rahe haiñ

ham tire bin aaj yuuñ zinda haiñ 'abrak'

zindagī kī jaan hote jā rahe haiñ

raat din aasan hote ja rahe hain

jab se hum anjaan hote ja rahe hain

sans the hum jaan the hum zindagi the

ab kidhar wo dhyan hote ja rahe hain

kya gila ab kijiye ek dusre se

dil hi be-iman hote ja rahe hain

tum bhi ab wo apsara si kab rahi ho

hum bhi ab insan hote ja rahe hain

jis ko jo chahe samajhta hai samajh le

is qadar aasan hote ja rahe hain

dekh hum ko wapsi ke raston par

raste hairan hote ja rahe hain

gham alam tanhaiyan wo ratjage sab

mere bin viran hote ja rahe hain

hum ne socha tha bahut mushkil hai jina

KHud-ba-KHud aasan hote ja rahe hain

is tarah aazad hain ab sab fazaen

qaid KHud zindan hote ja rahe hain

hum tere bin aaj yun zinda hain 'abrak'

zindagi ki jaan hote ja rahe hain