mera ehsas mujhko be-KHabar hone nahin deta

mirā ehsās mujh ko be-ḳhabar hone nahīñ detā

kabhī tanhā mujhe ye ham-safar hone nahīñ detā

khaTaktī hai jise kāñTe kī sūrat dāstāñ merī

vahī is dāstāñ ko muḳhtasar hone nahīñ detā

chhupā kar ġham ko hoñToñ par hamārā ye hañsī laanā

hamāre ġham se tum ko bā-ḳhabar hone nahīñ detā

saf-e-aġhyār meñ shāmil hai apnā hī koī yaaro

hamāre vaar ko jo kārgar hone nahīñ detā

muḳhālif fasl kā to bāġhbāñ hargiz nahīñ 'māhir'

na.ī shāḳhoñ ko lekin bā-samar hone nahīñ detā

mera ehsas mujh ko be-KHabar hone nahin deta

kabhi tanha mujhe ye ham-safar hone nahin deta

khaTakti hai jise kanTe ki surat dastan meri

wahi is dastan ko muKHtasar hone nahin deta

chhupa kar gham ko honTon par hamara ye hansi lana

hamare gham se tum ko ba-KHabar hone nahin deta

saf-e-aghyar mein shamil hai apna hi koi yaro

hamare war ko jo kargar hone nahin deta

muKHalif fasl ka to baghban hargiz nahin 'mahir'

nai shaKHon ko lekin ba-samar hone nahin deta