kis se kahen ki ranj uThana paDa hamein
kis se kaheñ ki ranj uThānā paḌā hameñ
chup-chāp dil kā dard dabānā paḌā hameñ
hamdardiyoñ kā shor to har samt thā magar
tanhā har ek bojh uThānā paḌā hameñ
apnoñ kī talḳh bātoñ se dil hai dukhī magar
un ke liye hī hañsnā hañsānā paḌā hameñ
muḳhlis na the 'azīz jo vo bhī kisī jagah
jab mil ga.e gale se lagānā paḌā hameñ
mujrim nahīñ the phir bhī 'adālat meñ aap kī
ilzām apne sar pe uThānā paḌā hameñ
is be-hisī ke daur meñ 'irshād' kis tarah
māhaul sāzgār banānā paḌā hameñ
kis se kahen ki ranj uThana paDa hamein
chup-chap dil ka dard dabana paDa hamein
hamdardiyon ka shor to har samt tha magar
tanha har ek bojh uThana paDa hamein
apnon ki talKH baaton se dil hai dukhi magar
un ke liye hi hansna hansana paDa hamein
muKHlis na the 'aziz jo wo bhi kisi jagah
jab mil gae gale se lagana paDa hamein
mujrim nahin the phir bhi 'adalat mein aap ki
ilzam apne sar pe uThana paDa hamein
is be-hisi ke daur mein 'irshad' kis tarah
mahaul sazgar banana paDa hamein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
