tamam bhiD se aage nikal ke dekhte hain
tamām bhiiḌ se aage nikal ke dekhte haiñ
tamāsh-bīn vo chehra uchhal ke dekhte haiñ
nazākatoñ kā ye aalam ki rū-numā.ī kī rasm
gulāb baaġh se bāhar nikal ke dekhte haiñ
tū lā-javāb hai sab ittifāq rakhte haiñ
magar ye shahr ke fānūs jal ke dekhte haiñ
ise maiñ apne shabistāñ meñ chhū ke dekhtā huuñ
vo chāñd jis ko samundar uchhal ke dekhte haiñ
jo kho gayā hai kahīñ zindagī ke mele meñ
kabhī kabhī use aañsū nikal ke dekhte haiñ
jo roz dāman-e-sad-chāk siite rahte haiñ
tumheñ vo iid pe kapḌe badal ke dekhte haiñ
tamam bhiD se aage nikal ke dekhte hain
tamash-bin wo chehra uchhal ke dekhte hain
nazakaton ka ye aalam ki ru-numai ki rasm
gulab bagh se bahar nikal ke dekhte hain
tu la-jawab hai sab ittifaq rakhte hain
magar ye shahr ke fanus jal ke dekhte hain
ise main apne shabistan mein chhu ke dekhta hun
wo chand jis ko samundar uchhal ke dekhte hain
jo kho gaya hai kahin zindagi ke mele mein
kabhi kabhi use aansu nikal ke dekhte hain
jo roz daman-e-sad-chaak site rahte hain
tumhein wo id pe kapDe badal ke dekhte hain
- Book : Chandi Ka waraq (Pg. 87)
- Author : Ahmad Kamal Parvazi
- Publication : Surkhwab Publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
