tahrir se warna meri kya ho nahin sakta
tahrīr se varna mirī kyā ho nahīñ saktā
ik tū hai jo lafzoñ meñ adā ho nahīñ saktā
āñkhoñ meñ ḳhayālāt meñ sāñsoñ meñ basā hai
chāhe bhī to mujh se vo judā ho nahīñ saktā
jiinā hai to ye jabr bhī sahnā hī paḌegā
qatra huuñ samundar se ḳhafā ho nahīñ saktā
gumrāh kiye hoñge ka.ī phuul se jazbe
aise to koī rāh-numā ho nahīñ saktā
qad merā baḌhāne kā use kaam milā hai
jo apne hī pairoñ pe khaḌā ho nahīñ saktā
ai pyaar tire hisse meñ aayā tirī qismat
vo dard jo chehroñ se adā ho nahīñ saktā
tahrir se warna meri kya ho nahin sakta
ek tu hai jo lafzon mein ada ho nahin sakta
aankhon mein KHayalat mein sanson mein basa hai
chahe bhi to mujh se wo juda ho nahin sakta
jina hai to ye jabr bhi sahna hi paDega
qatra hun samundar se KHafa ho nahin sakta
gumrah kiye honge kai phul se jazbe
aise to koi rah-numa ho nahin sakta
qad mera baDhane ka use kaam mila hai
jo apne hi pairon pe khaDa ho nahin sakta
ai pyar tere hisse mein aaya teri qismat
wo dard jo chehron se ada ho nahin sakta
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
