tabibo chaaragaro tum se jo hua so hua

tabībo chāragaro tum se jo huā so huā

hamāre dam pe bharosā rakho huā so huā

vo apne haal meñ ḳhush hai ham apne haal pe ḳhush

ab is kā zikr na yaaro karo huā so huā

bahut huā to vahī hogā jis kā Dar hai hameñ

jo ho rahā hai vo hone do jo huā so huā

abas hai kasrat-e-kār-e-junūñ bhī aise meñ

azīzo chāk-e-garebāñ siyo huā so huā

koī bhī sūrat-e-ahvāl ko na jānegā

jo dil kī baat hai dil meñ rakho huā so huā

sabā ke bas meñ nahīñ ab payām-e-sub.h-e-visāl

dayār-e-hijr ke zindāniyo huā so huā

kaheñ haiñ reḳhta punjab meñ nazar-sāhib

ba-qadr-e-zauq tum un kī suno huā so huā

tabibo chaaragaro tum se jo hua so hua

hamare dam pe bharosa rakho hua so hua

wo apne haal mein KHush hai hum apne haal pe KHush

ab is ka zikr na yaro karo hua so hua

bahut hua to wahi hoga jis ka Dar hai hamein

jo ho raha hai wo hone do jo hua so hua

abas hai kasrat-e-kar-e-junun bhi aise mein

azizo chaak-e-gareban siyo hua so hua

koi bhi surat-e-ahwal ko na jaanega

jo dil ki baat hai dil mein rakho hua so hua

saba ke bas mein nahin ab payam-e-subh-e-visal

dayar-e-hijr ke zindaniyo hua so hua

kahen hain reKHta punjab mein nazar-sahib

ba-qadr-e-zauq tum un ki suno hua so hua