su-e-mai-kada na jate to kuchh aur baat hoti

sū-e-mai-kada na jaate to kuchh aur baat hotī

vo nigāh se pilāte to kuchh aur baat hotī

go havā-e-gulsitāñ ne mire dil kī laaj rakh lī

vo naqāb ḳhud uThāte to kuchh aur baat hotī

ye bajā kalī ne khil kar kiyā gulsitāñ mo.attar

agar aap muskurāte to kuchh aur baat hotī

go haram ke rāste se vo pahuñch ga.e ḳhudā tak

tirī rahguzar se jaate to kuchh aur baat hotī

su-e-mai-kada na jate to kuchh aur baat hoti

wo nigah se pilate to kuchh aur baat hoti

go hawa-e-gulsitan ne mere dil ki laj rakh li

wo naqab KHud uThate to kuchh aur baat hoti

ye baja kali ne khil kar kiya gulsitan moattar

agar aap muskuraate to kuchh aur baat hoti

go haram ke raste se wo pahunch gae KHuda tak

teri rahguzar se jate to kuchh aur baat hoti