sunsan bastiyon ki taraf dekhte raho

sunsān bastiyoñ kī taraf dekhte raho

shahroñ se jangaloñ kī taraf dekhte raho

sūkhī paḌī nadī ko kabhī paar mat karo

sāhil se sāhiloñ kī taraf dekhte raho

ḳhvāhish barāh-e-rāst usī ik badan se hai

ḳhvāhish se ḳhvāhishoñ kī taraf dekhte raho

kuchh ḳhaas ahl-e-fan ko manāzir dikhāo aur

phir 'aam manzaroñ kī taraf dekhte raho

ye dekhte raho ki koī dekhtā bhī hai

un dekhte huoñ kī taraf dekhte raho

vo chāñd hī bhale ki jinheñ chhū sako 'asar'

tum us kī bāliyoñ kī taraf dekhte raho

sunsan bastiyon ki taraf dekhte raho

shahron se jangalon ki taraf dekhte raho

sukhi paDi nadi ko kabhi par mat karo

sahil se sahilon ki taraf dekhte raho

KHwahish barah-e-rast usi ek badan se hai

KHwahish se KHwahishon ki taraf dekhte raho

kuchh KHas ahl-e-fan ko manazir dikhao aur

phir 'am manzaron ki taraf dekhte raho

ye dekhte raho ki koi dekhta bhi hai

un dekhte huon ki taraf dekhte raho

wo chand hi bhale ki jinhen chhu sako 'asar'

tum us ki baaliyon ki taraf dekhte raho