main subh ka bhula tha magar sham se pahle

maiñ sub.h kā bhūlā thā magar shaam se pahle

ghar jā na sakā gardish-e-ayyām se pahle

Tuk aañkh lagī hai mujhe āvāz na denā

uTThūñgā na maiñ hashr ke hangām se pahle

zinhār agar mujh pe uThī phir koī angusht

taqsīr hai lāzim kisī ilzām se pahle

ye talḳh-navā.ī mirī fitrat to nahīñ thī

maiñ aisā na thā talḳhī-e-ayyām se pahle

ab aañkh meñ hairat hai na hoñToñ pe fuġhāñ hai

dil saḳht na thā saḳhtī-e-ālām se pahle

main subh ka bhula tha magar sham se pahle

ghar ja na saka gardish-e-ayyam se pahle

Tuk aankh lagi hai mujhe aawaz na dena

uTThunga na main hashr ke hangam se pahle

zinhaar agar mujh pe uThi phir koi angusht

taqsir hai lazim kisi ilzam se pahle

ye talKH-nawai meri fitrat to nahin thi

main aisa na tha talKHi-e-ayyam se pahle

ab aankh mein hairat hai na honTon pe fughan hai

dil saKHt na tha saKHti-e-alam se pahle