shauq tha shabab ka husn par nazar gai
shauq thā shabāb kā husn par nazar ga.ī
luT ke tab ḳhabar huī zindagī kidhar ga.ī
zindagī qarīb hai kis qadar jamāl se
jab koī sañvar gayā zindagī sañvar ga.ī
hai chaman kī aabrū qāfila bahār kā
bū-e-gul kā saath kyā be-vafā jidhar ga.ī
dekhte hī dekhte din ga.e bahār ke
fasl-e-gul bhī kis qadar tez-tar guzar ga.ī
kyuuñ sakūñ nasīb haiñ hijr kī darāziyāñ
jaise pyaas bujh ga.ī jaise bhuuk mar ga.ī
kyā ḳhabar 'nushūr' thī manzil hayāt kī
phuul le liyā magar nok-e-ḳhār utar ga.ī
shauq tha shabab ka husn par nazar gai
luT ke tab KHabar hui zindagi kidhar gai
zindagi qarib hai kis qadar jamal se
jab koi sanwar gaya zindagi sanwar gai
hai chaman ki aabru qafila bahaar ka
bu-e-gul ka sath kya be-wafa jidhar gai
dekhte hi dekhte din gae bahaar ke
fasl-e-gul bhi kis qadar tez-tar guzar gai
kyun sakun nasib hain hijr ki daraaziyan
jaise pyas bujh gai jaise bhuk mar gai
kya KHabar 'nushur' thi manzil hayat ki
phul le liya magar nok-e-KHar utar gai
- Book : Sawad-e-manzil (Pg. 119)
- Author : Nushoor wahedi
- Publication : Sarvat Wahidi D/o Nushoor wahedi (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
