mujhse laDne ko aaega ran mein

mujh se laḌne ko aa.egā ran meñ

itnī himmat kahāñ hai dushman meñ

vo kisī aur kā huā sun kar

aag phailī hai is qadar tan meñ

merā barbād honā bantā thā

kyā kashish thī na pūchh us zan meñ

itne kamre banā diye ghar meñ

ik shajar bhī nahīñ hai āñgan meñ

dekh cigarette jalā to hal niklā

ḳhud-kushī kā ḳhayāl thā man meñ

kaun rahtā hai 'umr bhar tanhā

juḌne vaalā huuñ jald bandhan meñ

har koī sīkhtā hai qabr talak

kis ko hāsil hai dastaras fan meñ

ḳhud ko māreñge dekhnā 'mushtāq'

ek golī bachī hai ab gun meñ

mujh se laDne ko aaega ran mein

itni himmat kahan hai dushman mein

wo kisi aur ka hua sun kar

aag phaili hai is qadar tan mein

mera barbaad hona banta tha

kya kashish thi na puchh us zan mein

itne kamre bana diye ghar mein

ek shajar bhi nahin hai aangan mein

dekh cigarette jala to hal nikla

KHud-kushi ka KHayal tha man mein

kaun rahta hai 'umr bhar tanha

juDne wala hun jald bandhan mein

har koi sikhta hai qabr talak

kis ko hasil hai dastaras fan mein

KHud ko marenge dekhna 'mushtaq'

ek goli bachi hai ab gun mein